LIBROS CON SORPRESA: TERESA GONZÁLEZ COSTA

 UNHA ABELLA MÁXICA NO CAMIÑO

Estivo no noso centro a primeira autora da nosa nova actividade "LIBROS CON SORPRESA".

Visitounos a autora do libro recomendado para 3º e 4º de primaria: Teresa González Costa.

Foi unha bonita experiencia. 

Grazas.

A NOSA ZONA DE XOGOS NA BIBLIO

 Cada vez, e sen darnos case conta, son máis os xogos que imos incorporando á Biblio.

E como consecuencia, cada vez son máis as rapazas e rapaces que se pasan por alí para usalos.

Contamos cunha boa selección. E non nos quedaremos aquí.

E estamos facendo quedadas para aprender a xogar e coñecer a outros profes que nos poidan explicar:

8M: VIAXE POLAS MULLERES DA NOSA VIDA

 Este ano, dende o Equipo de Biblioteca, propuxemos a seguinte actividade polo 8 M:

Poñer unha foto dunha das mulleres da súa familia, que xa non estean, ou que sexan moi maiores. 

E contar algo sobre elas debaixo. Así saberiamos moito máis sobre as nosas raíces. E o moi traballadoras que foron todas elas. Sacando as súas casas adiante e ás súas familias.

Foi unha actividade que se levou a cabo na maioría das asambleas do cole, e foi moi emotiva.

ENTROIDO

 O alumnado de infantil e Primaria, disfrazámonos con traxes que tiñan que ver coa temática do noso PDI, o noso Proxecto da Volta ao Mundo.

Polo centro pasaron desfilando:  italian@s, maoríes, galeg@s, rus@s, escoceses, daneses...e incluso do País de Nunca Xamais (ASPAVI).

Que rico o chocolate con rosca.

CLUBE DE LECTURA

 Por fin!

Por fin podemos dicir que a Biblioteca Árbore Sabia do CPI Curros Enríquez, levou a cabo o seu primeiro Clube de Lectura coas familias.

Custou debido ao Covid, pero conseguimos facelo. 

Falamos do libro "O que sei do silencio", de Andrea Maceiras. O libro recomendado para o alumnado da ESO.

Tamén tomamos café e rosquillas e fixemos unha das técnicas do traballo restaurativo. (Que estamos a poñer en marcha este curso no cole).

Un libro moi recomendado, que trata sobre o bullying, e remove a calquera persoa. Xa que fala de todas as partes implicadas nestes procesos.

GRAZAS  as nais, neste caso, que participastes. Foi unha experiencia moi enriquecedora.

CÓMIC!

 NOVIDADES EN CÓMIC!

IGUALDADE

 O curso pasado empezouse a poñer en marcha co euqipo de Código Diverse, dende o Departamento de Orientación; a estantería de Igualdade.

Este curso xa está en funcionamento, xa se prestan os libros e xa se empezaron a mover. 

Seguimos mercando novidades.

Árbore Sabia.

CADA VEZ SOMOS MÁIS

 Os recreos empezan a ser diferentes.

A biblio está como to@s desexabamos vela: chea de rapazas e rapaces que se sinten a gusto neste espazo.

Todo empeza a ter moito sentido.

Árbore Sabia.